مدرس مريض نفسيا يثير الذعر بين طالبات مدرسة احمد عبدالله حسين الثانويه بشبراملس

تسبب مدرس لغه فرنسيه مريض نفسيا بمدرسة احمد عبد الله ابو حسين الثانويه بقرية شبراملس مركز زفتى باثارة الذعربين طالبات المدرسه عندما قام بحبس مجموعة من الطالبات باحد الفصول بعد انتهاء الحصه حيث قام بسبهم باللفاظ تخدش الحياء وقام بتهديدهم بالخنق جميعا ، مما ادى الى انهيار الطالبات وتعالي صراخهم ولم ينقذهم الا تجمع المدرسين الذين قموا بفتح باب الفصل بالقوه.
لم ينتهى الامر الى ذلك بل ظل يطارد الطالبات على سلم المدرسه وسط صراخ الطالبات اللائى تزاحمن على سلم المدرسه للهروب منه وهو يطاردهم للفتك بهم دون ادنى سبب وقد انتاب الطالبات نوبه شديده من البكاء حتى انصرفن الى منازلهن .

بدورهم طالب اولياء من ادارة المدرسة نقل هذا المدرس والابلاغ عنه الى الجهات المختصه

الجدير بالذكر ان المدرس قام بالتعدي أكثر من مرة على زملائة تارة بالضرب وأخرى بالخنق وقد قامت ادارة المدرسه بابلاغ الاداره التى اجرت معه تحقيقا شكليا لم يسفر عن شىء ليبقى الخطر قائما والذعر مستمرا بين الطلبه والطالبات وكذالك العاملين بالمدرسه
فهل يتدخل احد المسؤلين لازالة هذا الخطر قبل فوات الاوان


منقول

يا جماعة انزعت الرحمة من قلوبكم حتي نشمت في اخ لنا من القرية ومصيبته في نفسه اعظم فهو كما تقولون مريض نفسي فبدل ان ندعوا الله له بالشفاء نهاجمه علي ما فعله دون ادراك فمن منا يامن علي نفسه ان لا يصاب مثله والمفروض علي ادارة المدرسه انها تمنعه من التدريس طالما سبق شئ منه ولكن علينا ان لا ننبذه بل نحتويه وانا اعلم هذا الشخص جيدا فلندعوا الله له بالشفاء والعافيه عافانا الله واياكم.

هو المفروض ان المدرس ياخد اجازة من المدرسة اوماياخدش جدول

وربنا يشفيه ويعافيه يارب

شكرا ليكي يا نانا علي موضوعك بس انا ليه تعليق صغير علي اراء الاعضاء الكرام انا اؤيد وجهه نظر الاستاذ محمد وبسال الاستاذ ابو عبد الرحمن ياتري ايه هيكون موقفك لوكانت بنت حضرتك ولا اختك هي اللي تفرضت للموقف ده دي كارثه مين عالم ايه اللي كان ممكن يحصل للبنات دول ده مريض نفسيا المفروض لا يتعامل مع طلبه باي شكل ومره تانيه بشكرك يا نانا انك عرضتي الموضوع ده ع الساده الاعضاء ونفسي اسمع تعليقاتهم

شكرا ليكي يا نانا علي موضوعك الاخ ابو عبد الرحمن مع احترامى لوجهة نظرك بس ما ينفعشى انسان بظروف الاستاذ ده يبقى موجود داخل مكان المفروض انه مؤسسه للتربيه والتعليم لان شخص بظروفه تواجده فى مكان زى ده مش مفيد اطلاقا سواء للطلبه او حتى له واديك شوفت النتيجه ودا كمان بعد ستر ربنا

طبعا ولو السادة المدرسين اشتكوا مليون مرة للادارة التعليمية لن يحدث اي شيء ولن يحرك ساكنا في هذا الموضوع و سوف تتدخل القرابة و الصلة والمحسوبيات و ينتهي الموضوع كما كأنه لم يبدأ اصلا
و قد تطور الحالة الي انه قد يقتل احد الطلبة او احد من زملائة او يحدث لاي منهما عاهة مستديمة و نحن في غني عن هذا كله
فأري انه الحل الامثل لهذا الموضوع اولا التقدم ببلاغ لقسم الشرطة بالواقعة مع الاستشهاد بالطلابة و المدرسين
ثانيا : السرعة في ارسال فاكس للسيد الوزير لعل وعسي يفيد بشيء
لان شخص هكذا قد يكون هلاكا محتما على الجميع

اسفة على الاطالة
شكرا لكي على هذا الخبر

المدرس دا انا عرفه شخصيا ويجماعه دا ليه ظروفه الخاصه لانه مريض نفسيا
وانا عارف السبب فى اللى هوا فيه مين بس دى حاجه متنفعش تنقال
لانه مهما كان بنى ادم

المفروض انه ياخذ اجازه مرضيه لحين انه يبقي طبيعي لكن دي مش محور كلامي انا كلامي ان المسلم لاخيه المسلم كالبنيان الواحد يشد بعضه بعضا وان ما حدث امرمؤسف وانه قد مضي علي خير فالاصح ان نكون عمليين وايجابين وان لا ننظر ايه بعين القاضي وانه مجرم بل انه انسان وقد امتحنه وابتلاه الله بمرض هو اشد من كل الامراض الجسدية فلماذا لا يكون عنواننا معه الرأفة والاحسان فهذا من حق المسلم علي اخيه ومن يعلم ممكن في يوم من الايام احدنا يوضع في مكانه وفي نفس حالته عافانا الله واياكم. ويااخي ويااختي ولو كنت انت او اخوكي او اختكي مكانه هل تحبي ان الناس ينظروا اليك بعين الرحمة ام ماذا؟؟؟
هل ما فعله حين ادراكه الكامل ؟؟؟ لا اعتقد
وبعدين فين دور الناس اللي في المدرسه فين ناظر المدرسه فين دوره التعليمي والتنظيمي؟؟؟؟ اليس المخطئ الاول هو من جعل له نصيبا من الحصص الدراسيه بممعني لو انا مسؤل وخايف من حالته واثرها كان منعه من التدريس.
الخطأ اطرافه كتيره ومش من الصح يتحمله لواحده لو كنا منصفين

دا رايي وليس بالضرورة ان يعتقد مثلي الاخرون... لكني احترم من خالفني وشكرااااااااا

يااستاذ محمد انا موافقك تماما وقلت يقعد في البيت ياخد اجازة
بس لا نشمت في احد
وبعدين الموضوع مش زي ما هو مكتوب خالص وياريت تسال حد كان في الفصل وهو هياكدلك ان الوضع كان عبارة عن طلاب اتكلموا في الفصل وهو متعقد من الحكايه دي فوقف الفصل بنات وبنين وشتمهم وكانت انفعالاته مبالغ فيها فالبنات عيطت بسبب الشتائم وتصرفاته التي الي حد كبير غريبه...

انا مش موافقه في اللي عمله لكن علينا ان نكون منصفين

بسم الله الرحمن الرحيم

اولا شكرا ليكوا كلكوا على الردود الجميله والاراء الكتير اللى اسعدنى انكوا اقدمتوها والاختلاف فى الراى لا يفسد للود قضيه

وثانيا بالنسبه للموضوع احنا عمرنا ما نقدر نشمت فى استاذ واخ كبير لينا لان لكل شخص ظروفه والاستاذ احنا عرفين ظروفه كويس و احنا مش بنوجه له اى اتهام احنا بنتهم وبنشكوا المسؤليين اللى سمعين وشايفين وسكتين وكان شىء لم يكن . اما بالنسبه للى حصل هو تماما كما هوه مكتوب بل ويوجد اشياء لم تكتب ولا يوجد اى نوع من المبالغه وانا ادعوا الله ان يشفيه ويهديه لانه بجد مدرس طيب وممتاز والمرض ما هو الا امتحان من عند الله وربنا يهدينا ويشفينا جميعا امين يا رب العالمين .

واشكركم مره تانيه لمروركم اللى زدنى شرف