عيد اكتوبر والعزة والكرامة

في اكتوبر كل عام بتهل علينا البشاير


لما كنا هناك في سينا بنغير كل المصاير
وكلمة الله اكبر رعد خارج م الحناجر
واسودك يا بلادي زي موج البحر هادر
والعدو لابد في سينا كا القراضة واصلة ماكر
شد حيلك يا سادات يلا يا شيوخ المنابر
يا قساوسة في الكنايس ادعو للمولي يناصر
لما كنا هناك في سينا وحتة منا مستباحة
وحلفنا يا يهود من سا عتها ما عدش راحة
وخط با رليف الحصين لاسودنا هيبقي ساحة
جولدا قالت يا كسيجر مصر عملتها مناحة
وعبروا قناة السويس يا هنري قولها بصراحة
اوقف يا هنري القتال مصر خلتنا في كرب
كنا فاكرين سينا نزهة نزهة وقلبت بحرب
لما كنا هناك في سينا حرقوا ابراج الحمام
لما كنا هناك في سينا دبحوا حمام السلام
ولا كنت في يوم يا مصري عن حقوقك راح تنام
السلام دة لازمة قوة وعدوك م اللئام
افتكر يا صاحبي لما كنا في بحر البقر
افتكر لما ولادنا لحمهم داب وانتشر
من فعال عدو خبيث من فعال شر البشر
وابو زعبل ما نسيناة لما العدل انتحر
لما شاف ظلم الكلاب شر شيا طين الغجر
جندي عترة من صحابي قالها لازم الانتقام
لجل ما ترجع بلادي تبني ابراج الحمام
لجل ما يرجع ولادي يشعروا طعم السلام
كنا في رمضان يا صاحبي والجنود كانوا صيام
قالوا ديا بدر تانية عونك يا رب الانام
الألة ارسل ملايكة بتحارب بتحارب جنب الجنود
وما رميت اذ رميت ملايكة بتحارب يهود
شفت خالد ورجالة سيفة مسلول ع الحدود
وبلال الله اكبر بيكبر زي الاسود
شفت مصر بتصحي تاني عشتي يا ارض الخلود
عشتي يا مصر العظيمة ومجدها تاني يعود


في اكتوبر كل عام بتهل علينا البشاير
لما كنا هناك في سينا بنغير كل المصاير
وكلمة الله اكبر رعد خارج م الحناجر
واسودك يا بلادي زي موج البحر هادر