عاد عم علي من عملة في الثالثة وخمس دقائق نعم وخمس دقائق
فزوجتة تمسك لة الساعة اتاخرت النهاردة عشر دقايق كنت فين
وتقوم حرب ولا حرب داحس والغبراء حتي يعترف اين كان في هذة الدقائق العشر
اليوم سنكون المعركة الكبري وهو يدخل وهي تحت ابطة فتصرخ الزوجة الملتاعة وكانها تخوض ام المعارك
كل يوم واحدة شكل المكعبرة والطويلة والبيضا ويا ريتك بتعرف تنقي فينك يا ماما صحيح خيبة الامل راكبة جمل يا تري النهاردة يا رمرام شكلهاا ية وجايبها منين يا ما جاب الغراب لامة
وتجري ام احمد اة صحيح نسيت اقول لكم ان زوجة عم علي اسمها ام احمد لا هي لم تنجب ولن تنجب عيال اسمها كدة ام احمد تجري علي المطبح تستل سكينا ماضيا انا هخليك يا علي تبطل رمرمة وتشوف نتيجة عملك لما تعوز ابقي قل لي وانا انزل معاك وانقي لك اوعي تقول اصبري لابد من نحرها واخدتها من يدة
وضربت السكين في سويداء قلبها فسال دم احمر قاني وافتر وجة عم علي عن ابتسامة عريضة مع نظرة غيظ هائلة من ام احمد مش قلت لك المرة دي حمرة يلا حطيها شوية في التلاجة وهاتي لنا شقتين بعد الغدا
اة ما احلاكي يا بطيخة عم علي حمرة شرار وهدات الحرب الضروس مع حلاوة البطيخة
الجمعة أبريل 03, 2015 3:10 pm من طرف nemoCat
اليومية
