من زفتي لشبرا ملس لالف بوسة لولاد بلدي المجدع

حصل في بلدنا من سنين في احضان النهر العظيم

هب واحد م الشباب الشباب العرقانين

ثار وقاوم الاحتلال احتلال دايم سنين

ما هي مصر كات فريسة للغزاة المجرمين

من تتر علي تركمان لصهاينة لامركين

قال هتبقي جمهورية زفتي بلدي وغيرها مين

زفتي تستاهل النضا ل زفتي هي نور عينيا

حلي هو الانفصال وبلدي تبقي جمهورية

يوسف الجندي العنيد رفض يكون زي العبيد

قال بلدنا يا مصر حرة مصر هي اغلي درة

بعدها بحبة سنين من ايد ولادها العرقانين

جة ولد في مثل سني في الحقيقة اقل مني

ما الشباب الحر دايما للحياة لازم يغني

قال بلدنا شبرا ملس حبها في القلب يلمس

صوتها لازم يعلا يعلا ولحقوقنا ما عدنا نهمس

اية الحكاية والرواية الحكاية صوتنا يعلا يعلا يعلا

يعلا يعلا يعلا يعلا

منتدي لناس بلادي منتدي ما يوم يعادي

الا من خان الضمير الا من رفع النفير

ضد بلدي واهل بلدي وكان مناة ما نكون بخير

منتدي لفرحي وهمومي منتدي شبرا ملس

منتدي محمد الكومي

يا محمد الحقيقة انت تستاهل السلامة

يا محمد يلة نرفع صوتنا ونعلي الكرامة

منتدانا يا عزيزي صوتنا عربي صوت بلادي

منتدانا فية هنفرح منتدي ضد الاعادي

منتدي يقول كلامة منتدي ينشر سلامة

منتدي لدين ودنيا منتدي عارف مرامة

شوف يا صاحبي تلاقي فية القمر سايب علامة

والنجوم بتلف جنبة

منتدانا فية بيكتب خير شبابنا في البلد دي

فية محمد بن كومي وشاهي دلوعة الزمان دة

فية افرج عن همومي وسندريلا معانا شاهدة

فية روضة م الرياض واللقب هو عماد

فية ملاكنا البرئ اللي بينور طريق

فية برضة صاحبي ميدو فية يا صاحبي تلاقي اية

فية امير الظلام يبتدي نفس الحكاية

كوين لاف ويا ميدو مجدنا لازم نعيدو

سندريلا وجولد ماسك سارة ومنار يقيدوا

الف شمعة للحقيقة الف ميت مليون طريقة

مع قطرة الندي ننادي اعلي اعلي يا صوت بلادي

يا محمد يا واد خميس علي صوتك للنهاية

صوتنا لازم يعلا يعلا وهو دة اصل الحكاية

يحيي بيقول الكلام دة يحيي كان همسة واردة

يلة نسقف بالكفوف يلا نحدي بالدفوف

احنا بنحب البلددي احنا بنهوي البلد دي

عاشت شبرا ويا زفتي عاش منتدانا يدي ويدي

في النهاية لكل واحد الف مليون بوسة مني

من اول حبيبي الكومي مش هعيد تاني واغني

موفقين دايما ودايما مبسوطين يا اهل بلدي

الللللللللللللللللللللللله تسلم ايدك ياستاذ يحى
بجد انت شاعر رائع
وبجد نورت المنتدى وكل الشكر ليك ياصديقى العزيز
جميل جدا جدا
شكراااااااااااااااااااااااااااااااااااااااااااااا

أولا السلام عليكم ..أزيك يا أستاذ يحيي أهلا بيك فى المنتدى عضو جديد منور
أنا عندى بعض التعليقات على القصيدة وأتمنى أن تعلق عليها ونتناقش فيها تمام
مستعد نبدأ:-
1-أنت بتقول ( احتلال دايم سنين) والمفروض أنه ( أحتلال دام سنين) أحنا أنتصرنا فى 73 ومعندناش احتلال ولو تقصد الاحتلال والغزو الثقافي فكنت توضح لان ما زال مرتبط عندناكلمة الاحتلال بستعمار الارض دا إن كنت تقصد مصر ودا الغالب فى كلامك ومتقلش انا اقصد الوطن العربي لانك كلامك عن مصر العربية مش الوطن العربي.
2- احنا المفروض نحارب صحيح نتائج الاحتلال الذي ما زلنا نعانى منها حتي يومنا هذا وأولها مع احترامى البالغ كتابة القصائد بالعامية والعامية أبرز نتائج الاستعمار ولا تقل لى دا نوع من أنواع الشعر هو المفروض يبقي وع من أنواع الخواطر كن الشعر م كتب فى الاساس بلغة الامة وهى اللغة العربية لكن العامية مش لغة فلما نقول الشعر مكتوب باية مش هنقول بكلام عامية ولكن لازم ننسبه للغة تمام.
3- (أنا بعتب عليك تكرار كلمتين فى نهاية الشطور وهي (العرقانين
4- وكذلك تكرار ايضا كلمة (الحكاية) فى نهاية شطرين
5- التعليق الأكبر وهي تكرار كلمة (يعلا)(13)مرة وانشاق كلمة أعلي مرتين وعلي صوتك حرام أنت مش عارف أن التكرار الزائد فى القصائد يصيب القارئ بالملل.
6-وبعدي (منتدانا ياعزيزى صتنا عربي صوت بلادي)أنت بتقول منتدانا يا عزيزي يبقي المفروض تقول لى معلومة عن المنتدى مش تقولى منتدانا يا عزيزى صتنا عربي تنفع برده
7-أنت بتقول (يحيي بيقول الكلام ده يحيي كان همسة وارده) هل أنت تقصد الكلام ده يحيي ولا يحيا ولو تقصد يحيا يبقي لازم تسبق كلمة الكلام صح لظبط نسق الكلام وسؤال يعني ايه الكلام ده يحيي كان همسه وارده.
8- أنت يتقول (ملاكنا البرئ اللي بينور طريق) كلمة طريق جاءت نكره ودا يعطي غموض للمعنى لان طريق لازم تيجي معرفة زى الطريق او لازم لو هتيجي نكره يكون معها كلمة مساعدة زة طريق حياتنا أى طريق .
9-أنت قلت (يلا نحدي بالدفوف) يعني ايه كلمة نحدي دى اعتقد مش لغة عربية ومعتقديش عامية تبقي ايه ؟
10-أنت قلت ( منتدانا يدي ويدي) يعني ايه يدي ويدي
وأخيراً أنا بقوك يا أستاذ يحيي دا مجرد تعبير عن الرأي ورغبة فى الاستفادة من خبراتك فرأى ممكن يكون كله غلط أو نصه أو ربعه أو حتي كلمة أرجو أن تدافع عن قصيدتك فالقصائد والقصص هم أبناء المؤلفين
شكراً
أختك Fish sea

اختي العزيزة وانا اتشرف طبعا بيكي

ممكن ارد

اولا شعر العامية لا يقل ابدا عن شعر الفصحي بدليل

خلي السلاح صاحي قلنا هنبني وادي احنا بنينا السد العالي

كلمات كانت تلهب مشاعر وحماس الملايين

اول ملاحظة احتلال دايم سنين دة مش دلوقتي طبعا بعد نصر اكتوبر العظيم

لاكن انا اقصد الفترة اللي اتكلمت عنها مصر طول عمرها قاست من الاحتلال من ايام الهكسوس

كلمة العرقانين كلمة اقصد بيها سواد الشعب الكادح وليس الفئة المرفهة

كلمة الحكاية لان مصر شعب حكواتي بطبعة ويحب الحكي

اما كلمة يعلا ففكرتني بكلمة للعظيم سيد درويش

لجل ما نعلا ما نعلا ما نعلا لازم نطاطي نطاطي نطاطي

طبعا سيد درويش ما كانش يقصد المعني الحرفي للعبارة الذل والخنوع انما كان بيتكلم عن المنتفعين لكن انا لما بقول نعلي اقصد بيها علو الهامة واعتداد القامة لان فعلا لازم نعلا ونعلا ونعلا

اختي العزيزة زي ما انتي عارفة انا عضو جديد ومعلوماتي عن المنتدي لم تتبلور بعد حتي اقول عنة الا ما استشفيتة انما اوعدك اجود واكون افضل في المرة القادمة

اما ملاكنا البرئ فهو اسم احد الاعضاء اللي انا بحسدهم لان لة مساهمات جميلة ولا اقصد ملاك بالمعني المفهوم

اما عن يحيي وانا اقصد بيها شخصي الضعيف اقول اني كنت همسة وردة يعني زي اللي بيغني لنفسة انما في المنتدي هلافي صديقتي العزيزة فش سي نتجادل ونتحاور

منتدانا يدي ويدي أي يعطي ويعطي علي قدر استطاعتة من اجل رفعة الوطن

اما نحدي بالدفوف الحداء هو الغناء خلف الابل وكان يسمي من يقوم بهذة المهمة الحداء لكي يبعث النشاط في الابل والدفوف هي جمع دف الالة الموسيقية المعروفة

واخيرا وليس اخرا كما تحدثت مع اخي محمد الكومي ما قلتة هو خواطر وليس شعرا مع كامل احترامي لشعر العامية لغة الشعب

فمعظم الناس تستطيع تذوق كلمات بيرم وحداد وجاهين وابو بثينة

ولكن ليس كل الناس تستطيع تذوق اشعا رجويدة وعبد المعطي حجازي وفطاحل الشعراء اللذين اكن لهم كل تقدير واحترام وعموما العامية هي لغة الشعب وهي ما نتحدث بها جميع مع خالص شكري وتقديري لاهتمامك بشخصي الضعيف واتمني دوام اتواصل مع خالص حبي وتقديري واحترامي
اخوكي يحي

اهلا بحضرتك فى المنتدى يااستاذ يحيى

تسمح لى يا أستاذ يحيي أن أدافع عن وجهة نظري:
1-أنت تقول (أن شعر العامية لا يقل أبدا عن شعر الفصحى) وأنا لا أتوافق مع هذا الكلام لان الأثنين يوجد بينهما فرق شاسع الشعر بالفصحي يكتب باللغة العربية ولكن الشعر العامي ليس بلغة عربية والشعر الفصحي له قافية وأوزان محددة ولكن شعر العامية ليس له أوزان ويسير على هوا الكاتب وشعر الفصحي له إطار وكيان وعلي النقيض شعر العامية الذي ليس له إطار يحكمه ...كأننا نقارن بين من يكتب على الرمال وعلى الصخر كلاهما كتابة ولكن أيهما تكن صحيحة.
2- أنت بتقول (أغنية خلي السلاح صاحي ..هزت ودامت) وأنا بقول لحضرتك هزت ودامت لارتباطها بالنصر
3- أنت بتقول (دامت سنين) بتقول تقصد بها مش دلوقتى معني ذلك أن قصرت وقت حياة مصر بوقت الأستعمار ومحيت وقت التحرر من الغزاة من حياتها.
4- في كلمتين ( عارقنين والحكاية) أنا كنت بتكلم عن تكرار الكلمة مش هي جيه ليه أنا بتكلم عن التكرار ودا فرق كمان بين العامية والفصحي.
5- أنت بتقول الشعب المصري (حكواتي) وبجد دى كلمة جديدة فى مصطلحاتى سواء بالفصحي أو العامية.
6-أنت بتقول(سيد درويش قال نعلا ونطاطى 3 مرات) لكن انت قلبت جميع الموازين انت قلت (13) نعلا و2أعلي وعلي صوتك مرة معنى ذلك أنك جبت الكمة 13 مرة مكررة و3 اشتقاق يعني 16 مرة حراااااااااااااااااااااااام يعني مفيش وجه مقارنة.
7- شكراً لتوضيح المقصو بكلمة (يدي ويدي) وهى يعطي ويعطي ودا عيب العامية مش هكتب وأضع ما المقصود اليد أم العطاء.
أتمنى إلا أكون ضايقتك ومتخفش برأة باقي الأشعار السابقة لك مش هعلق عليها عشان أنت لسه ضيف جديد بالمنتدى

موضوع: رد ما اروعة الجمعة يناير 22, 2010 10:57 am

اختي العزيزة صباح الخير بالعكس انا اكون سعيد جدا لو رديتي علي اللي قلتة وانا ما قلتش انة شعر انا قلت انة خواطر يعني كلام طالع من قلبي

يعني لو تسمية خواطر موافق تسمية شعر عامية موافق تسمية انسان بيحبي لسة ومحتاج الايادي اللي توضح

وتقول لة احسنت او لم تحسن برضة موافق المهم يكون فية حراك وانا سعيد بكل تعليقاتك بس فعلا هبقي خايف لو ما علقتيش علي كل اللي انا قلتة لاني كدة هحس انة ما لوش قيمة

ع العموم انا سعيد بردك سواء كان سلب او ايجاب

انا اشكرك فعلا من كل قلبي واتمني لكي دوام التوفيق والسداد

وانا عرفت انك شاعرة مخضرمة وحاسس ان ممكن تكوني في يوم زي نازك الملائكة او تناطحي شعرائنا الكبار بس برضة انا مصر ان العامية لا غني لها في حياتنا وختاما لك حالص تقديري ومودتي

اخوك يحيي

شكرااااااااااااااااااا يا أستاذ يحيي

ومرحبا بيك في المنتدى

» رجال من بلدي
» حلوة يا بلدي - داليدا
» 30الف جنية لنادي زفتي بعد صعوده لدوري القسم الثاني للممتاز (ب)