المرأة فى مصر

فى البيان الإحصائي للمسح السكاني الصحي 1995 بيقولوا إن 55% من السيدات في مصر في الفئة العمرية من 45-49 سنة مش متعلمات.... 55% يعني أكثر من نصف السيدات في المرحلة العمرية دي ما اتعلموش.... طب وده معناه إيه؟ معناه فرص كتير ضايعة وياريت وقتك يسمح لك إنك تشوف معايا إيه هي الفرص دى.....
هيحصل إيه لو إديناش البنات حقهم في التعليم؟

علشان نعرف إيه اللي هنخسره لو البنت ما اتعلمتش.... خلينا نشوف إيه فوايد تعليم البنات.... الدراسات بتقول إن تعليم البنات بيكون له فوايد إجتماعية كثيرة منها إنخفاض نسبة الوفيات بسبب الولادة وكمان بين الأطفال وده طبعاً لأن البنت المتعلمة بتكون أم واعية أكثر وبتقدر تحمي نفسها وطفلها من أمراض كتير وأضرار كتير ممكن يسببها جهلها بيها. وتعليم البنت معناه كمان أسرة بتتمتع بتغذية وصحة وتعليم أفضل لأننا كلنا عارفين إن اللي بيعمل الأكل في البيت هي الأم واللي بيخللي باله من الولاد ومن صحتهم هي الأم واللي بيذاكر لهم بردوا هي الأم ... طب كل ده أكيد هتعمله بوعي أعلي إذا كانت متعلمة وعارفة هي بتعمل إيه..... يبقي
ليه نخسر فرص مهمة زي دي؟
طب و لو البنت ما اتعلمتش المشاركة من صغرها.....

هل ممكن تتخيل مجتمع بيتطور بنصفه فقط؟ طيب خلليني أمثلها لك... هل تتخيل طفل بينمو نصفه اليمين ونصفه الشمال زي ما هو مش مسموح له يكبر؟ طبعاً النتيجة هتكون تشوه واضح جداً. كمان المجتمعات لازم تنمو بشكل متساوي.... يعني لازم الكل يشارك في تنمية مجتمعه.... وطبعاً ما ينفعش أشارك في التنمية وأنا مش مشارك في اتخاذ القرار لأني هأبقي كفرد من أفراد المجتمع ده حاسس بالظلم والتهميش.... والمشاركة والمسئولية عاملين زي المشي لازم نتعلمهم من وإحنا صغيريين علشان لما نكبر نكون حسينا بأهميتهم وأهمية دورنا... وعلشان كده لازم البنت تتعلم المشاركة من صغرها ولازم ناخد رأيها ونعلمها إزاي تعبر عنه بطريقة سليمة وبمنتهي الثقة في نفسها وفي الدور اللي بتلعبه في مجتمعها. ولأني علمتها صح وربيتها صح أكيد قرارتها واختياراتها هتكون صح..وإيه اللي هنخسره لو ما اشتغلتش......؟

من حق البنت لما تكبر إنها تشتغل في تخصصها... بس قبل ما أقولك إيه الفرصة اللي هتضيع علينا خلييني أشرح لك يعني إيه الدخل القومي للبلد.... الدخل القومي هو مجموع الدخل المكتسب في البلد خلال عام. يعني لما المرأة بتنزل تشتغل وبتنتج وبتاخد فلوس .... الفلوس دي بتزود الدخل القومي .... ولو ما اشتغلتش أبقي بأضيع علي المجتمع كله فرصة إنه يستفيد بعلمها وخبرتها في مجال تخصصها... وبأضيع فرصة كبيرة لزيادة الدخل القومي للبلد كلها..... وبأضيع عليها هي فرصة إنها تقدر تساعد زوجها وتوفر لأولادهم مستوي معيشي أعلي هتكون نتيجته أولاد أفضل من حيث الصحة والتعليم والثقافة.
تفتكر إيه اللي يخلينا نضيع كل الفرص دي علي نفسنا وعلي بلدنا...؟

امضاء
العاشق الحيران

شكرا على ردك يامحمد...مع اختلافى معاك فى الرد

شكرااااااااااااااااااااااااااااااااا

شكرا ليكى يامى على ردك الجميل لكن بردة مقولتليش رايك اية فى الكلام دا شاركينى برأيك