القرأن كلام ربنا ونزلة باحسن التنزيل
وامر الألة طة بقرايتة والترتيل
وعلمة جبريل الحكمة والتاويل
وحفظة الألة بفضلة من العبث وم الاباطيل
يا سعد امة محمد بتلاوتة نهارة مع ليل
سيدنا الحبيب النبي في حراء بيتعبد
علي دين ابوة الحليل بيركع وللألة يسجد
جالة الامين جبريل وقال لة قوم اقرا
كان سيدنا الحبيب في الملكوت بيستقري
قالة طة للامين وازاي انا اقر
وانا لا مسكت القلم ولا كنت يوم بقرا
قال الامين جبريل بسم ربك راح تقرا
وتكون امام البشر من امي ومن يقرا
راح النبي لبيتة لخديجة وادثر
بيحف بية الخوف وخديجة بتكبر
راحت لورقة وقالت دة طة متكدر
قال ورقة لخديجة يا ريت علي نصرتة اقدر
واللي جالة دة ملك وورقة يسيل دمعة ويستعبر
محمد رسول الالة وعيسي بية بشر
وموسي في التوراة وصفة بوصف اكبر
وداوود في مزاميرة قال ع النبي اكتر
ودعوة الخليل عا الهادي تتفسر
وابعث فيهم رسولا قالها الخليل وعن طة بيعبر
القرأن كلام ربنا ونزلة باحسن التنزيل
وامر الألة طة بقرايتة والترتيل
وعلمة جبريل الحكمة والتاويل
قران بحفظ الله محفوظ ليوم الدين
قران وفي قلوبنا وعقولنا لية واعيين
يا رب ببركتة اجعلنا م الحافظين
واجعل يا رب كلامة نار علي الحاقدين
قرانا منهجنا قرانا دستورنا
قرانا نور لينا حتي في قبورنا
يا رب جازي النبي عنا وعن امتة
ولا تحرمن يا رب ابدا رضا محبتة
واجعلنا يا وهاب صحبة في جنتة
وارجع اقول واعيد قرانا دستورنا
قرانا نور لينا حتي في قبورنا