بحبك يا إسكندرية

بحبك يا إسكندرية
أنساكى وإزاى أنساكى
وأنا بتنسم هواكى
ياعروسة البحر الأبيض
بحبك يا إسكندرية
عايشة بروحى وقلبى جواكى
ومابحبش حد سواكى
إنتى ف عينى أحلى البلاد
ولا أقدر يوم على البعاد
إن غبت ساعة عنك
بعود بسرعة لحضنك
فاكرة طفولتى ولعبى ع الكورنيش
ويا صحابى وإخواتى
م الأنفوشى وراس التين
للمنتزة والمعمورة
وذكريات حلوة جميلة
بين الشوارع والميادين
موجودة ف أجمل صورة
موصوف لى أحبك
وأحب اللى يحبك
يا أجمل مدينة ياسنيورة
صحيح غنيت للمنصورة
لكن إنتى أصلى وحبى
وغنايا لغيرك مش معناه
إنى أنساكى يا أغلى حبايبى
وبحبك فوق كل الحب
يا أرق وأطيب قلب
ياجمالك ساعة العصرية
وبناتك رايحة وجاية
تتمشى على كورنيشك
من بحرى للمنشية
ولوران وسان إستيفانو
وكليوباترا وتقعد ف الكازينو
وأغانى سيد درويش
تتردد فى ودانى
وهواكى ونسيمه العليل
بيلحن أحلى أغانى