مين بيحب مصر

موضوع: مين بيحب مصر الإثنين مايو 31, 2010 5:04 am

نؤيد سيادتك لفترة جديدة......نكمل خلالها المسيرة السعيدة
وبالمر فيها نبيع الحديدة.....مفيش حاجة تانية نبيعها خلاص
نؤيد سيادتك لاجل المزيد....من الى اتحقق بفضلك اكيد
بقينا خلاص ع الحميد المجيد.....وربك لوحدة ف ايدة الخلاص
نبايع سيادتك ولا حد غيرك....كفايا علينا نبرطع فى خيرك
ونوم شعب مصر العظيمة وشخيرة.....يقول للحرامى ماتسرق كمان
نبايع سيادتة وابنة وحفيدة....مفيش زى فكرة قديمة وجديدة
خرابك يامالطة هيحصل بايدة...ومين فيكى يعنى بيسمع اذان
نبوس ايد سيادتك ورجلك كمان....تخليك معايا ياريس عشان
وجودك ضرورة فرضها الزمان.....ومن غير وجودك حقيقى نضيع
دى مصر بتاعتك واحن ضيوفك....كفايا علينا ياريس نشوفك
وعازين سيادتك وفاهمين ظروفك....عليك بس تؤمر واحنا نطيع
فى جزمة سيادتك كلابك يبوسوا.....وفوق الغلابة بجزمهم يدوسوا
وشعبك ليلاتى ياريس غموسة.....مزله ومهانة وحوجة ومر
لكن يعنى مادمنا شعب انتساب....ودئما وابدا فى حالة غياب
متعملش لينا ياريس حساب...دى عزبة سيادتك وفيها انت حر
ودستور مدستورش مش فارقة خالص....كلام فاضى كلة يافندم بناقص
كفاية علينا الفساد الى ماصص....عرقنا ومعشش وضارب جزورة
واية يعنى تهرى جتتنا البلاوى....يوماتى كوارث فضايح رشاوى
كفايا علينا القعاد فى القهاوى....بنستنى لما الوريث يجى دورة

امضاء
العاشق احيران

شكرا على الكلام الجميل بس مصر مش بتاعت حد لوحده دى بتاعتنا كلنا شكرا

زى ماقلتى ياية

دى بلدنا كلنا

ساعات كتير بحس ان كل فرد فى البلد بيموت فيها

ومستعد يضحى ويموت نفسه علشانها

طب مانيجى نشوف حل

مانيجى نشوف نقدر نعمل ايه للبلد

ماتيجى نصلح من حالنا احنا الاول

لو كل الواحد بيحافظ على جاره واخيه المسلم

لو كل واحد بيراعى مشاعر اخيه المسلم

لو قدرنا نعامل الفتاة المسلمة ونحافظ عليهم ونراعى مشاعرهم

زى مابتعامل ااخواتنا وامهاتنا وزوجاتنا

لو قدرنا نبعد عن الربا فى المعاملة مع الناس

لو كل انسان مسلم ادى زكاة المال التى عليه مكانشى هايبقى فيه مسلم فقير

ومكانشى هايصيبه اى مكروه

لان زكاة المال بتحميه

لو ...........................

لو ...........................

لو ...........................

لو............................

لو فضلت اقول لو

هافضل للصبح

ياشباب يامسلم ياموحد بالله

ماتيجى نصلح من حالنا الاول

وحتى لايفهم البعض كلامى على انى انتمى للحزب الحاكم

انا لست منتميا لاى من الاحزاب والحمد لله

ومش موافق الحكومة

بس قبل مانحاسب الحكومة

تعالو نصلح من نفسنا الاول

شكرا ياعاشق ياحيران على طرحك للموضوع

ميرسى على الكلام اللى هوا الحقيقة الوحيدة اللى فى حياتنا وانا معاك يامحمد ان كلنا بنحب مصر وفى وقت الشدة بيكون الكل مستعد يضحى علشان مصر واوك بردو ان احنا ممكن نصلح من نفسنا بس ازاى هانعمل دا كلو والدولة مسروقة وياعينى مش بتيجى غير على الغلابة والاسعار اللى فى الطالع والشباب اللى على القهاوى ومش لاقى شغل وحتى لو لقى بيطلع عينة وفى الاخر بيرمولة شوية ملاليم هانقول اية ولا اية بس بجد لو كانو الناس لاقوا حكومة مويسة كانو بقو احسن من كدا كتييييييييييييييييير فعلا دا اللى بيحصل فى مصر

أنا أحب الوطن

لعمرك ماضاقت بلاد بأهلها .......ولكن قلوب العالمين تضيقُ

بس
الوطن لابد أن يكون

أمان من الجوع ومن الخوف
الوطن صدر حنون نلقي جميعاً برؤوسنا عليه لنشعر بالراحة
الوطن لا يمكن أن يسجننا في جوفه
ويحيطنا بأسوار من الرعب
فيحاصر الكلمة
ويقتل الرأي
ويشكل العقول
ويصنف أبنائه
الوطن رحمة وملجأ للضعيف
الوطن تاريخ وعبرة لأبنائه
الوطن روح
وروحه تسري فينا

الوطن
( نحن )
مين بيحب مصر Icon_sunny

الموضوع جميل جدا وميرسي ليك انك كتبت في هذا الموضوع ويريت صوتنا يوصل لكل الناس

موضوعك جميل وشكرا ليك بس البلد مش حكومه وبس لكن شعب يقدر يهد ويبنى يقدر على المستحيل لو طول عمرنا فضلنا نبكى ونندب حظنا ولا شىء هيتغير لكن بعزيمه كل مصرى بلدنا دى هترجع زى مكانت واحسن ليه بنلوم واحنا السبب؟؟؟؟؟؟؟

عار على ابن النيل سباق الورى مهما تقلب الدهر ان يسبق

موضوع: رد: مين بيحب مصر السبت يونيو 05, 2010 2:48 am

شكرا ليكم جميعا على الرد ..........لكن هذة هى الحقيقة فى مصر ...........فانا وغيرى ماذا قدمت لنا حكومة مصر غير الذل والمهانة وقلة الكرامة جوة مصر وخارج مصر ....وغيرى من الشباب الحاصل على مؤهلات عليا كتيرة متغرب وحاسس بنفس احساسى

» اللي بيحب مصر والمنتخب يدخل والدعوه موجهه للمصريين وللأخوه العرب